¿Akʼoponojbal ta lek te artikuloetik yuʼun Te J-ilkʼinal ta toyol te mato jaluk slokʼelike? Ilawil teme ya xjuʼ ya awakʼbey sujtib te jojkʼoyeletik ini:

¿Bin-utʼil ya skʼan ya kiltik te machʼatik tsabilik te ya xbajtik ta chʼulchane?

Mukʼ skʼoplal ya kiltik te schʼuunel yoʼtanike, pero ma skʼan ya xjelawotik ta yutsilkʼoptayel. Ma jichuk jtaleltik te ya xjelawotik «ta yichʼel ta mukʼ te yantike» (Jud. 16, TNM). Ma jchʼik jbatik ta sjojkʼoyel bin-utʼil ay-a te ya xbajtik ta chʼulchan (w20.01, paj. 29).

¿Bin yuʼun schʼuunej koʼtantik te ay jkʼoplaltik ta yoʼtan ta jujuntul te Jehovae?

Te Biblia ya yal te ayix jkʼoplaltik ta yoʼtan-a te Jehová te kʼalal mato ayinemotik-ae sok ya yaʼiy te jujun buelta ya jkʼopontike. Jaʼnix jich ya snaʼ te bin ay ta koʼtantik sok te bintik yakotik ta snopele. Te bin ya jpastike, ya xjuʼ ya yakʼbey stseʼelil yoʼtan te Jehovae (1 Crón. 28:9; Prov. 27:11). Te Jehová la yikʼotik tal ta stojol (w20.02, paj. 12).

¿Bin-ora ya skʼan te ya xkʼopojotike sok bin-ora te maʼuke?

Ya yakʼbotik stseʼelil koʼtantik kʼalal ya kalbeytik skʼoplal te Jehovae. Ya skʼan ya xkʼopojotik teme ay machʼa ya kiltik te ay bin chopol ya xjuʼ ya spase sok kʼalal te ansianoetik ya stojobtes te ermanoetike. Ma jojkʼoytik sok maba ya kaltik te bin-utʼil yak ta aʼtel te kermanotaktik te banti makbil te kaʼteltike sok maba ya kalbeytik yantik te bin ma xjuʼ ta albeyel skʼoplale (w20.03, paj. 20, 21).

¿Bin yuʼun ma pajalik te kʼulubetik ya yalbey skʼoplal te kapitulo 2 yuʼun Joel sok te kapitulo 9 yuʼun te Apocalipsise?

Ta Joel 2:20-29 ya yal te Dios yalaj yakʼ namajuk bael te kʼulubetik sok te ya sjeltay te bin la slajinike. Ta patil-abi, ya smal tal koel te schʼul espiritue. Jaʼ-abi kʼot ta pasel kʼalal te babilonioetik la yochintayik te Israel sok ta patilxan bael. Ta Apocalipsis 9:1-11 jaʼ ya yalbey skʼoplal te machʼatik tsabilik te ya xbajtik ta chʼulchan ta jkʼajkʼaleltik, te jich kʼoemik bitʼil kʼulubetik te yakik ta yalel te kastigo ya yakʼ te Dios ta stojol te chopol balumilal ini, sok ya yakʼ te maba lek ya yaʼiy sbaik te machʼatik lek ya yilik te balumilale (w20.04, paj. 3-6).

¿Machʼa-a te ajwalil ta norte ta jkʼajkʼaleltike?

Te Rusia sok yantik nasionetik te jun ay soke, skontrainejik te lum yuʼun te Dios te bitʼil smakojik te scholel skʼop Diose sok te spʼajojik te Testigoetike. Te ajwalil ta norte skontrainej te ajwalil ta sur (w20.05, paj. 13).

¿Jaʼnaxbal 9 te sit te chʼul espiritu jich bitʼil cholanbil ta Gálatas 5:22, 23?

Maʼuk. Te chʼul espiritu ya skoltayotik yuʼun ayukxan kuʼuntik yantik taleliletik, jich bitʼil te bin toj ta pasel (Efes. 5:8, 9) (w20.06, paj. 17).

¿Bin wokolil ya xjuʼ ya jtatik teme ya jmoestik jfototik, bideoetik o komentarioetik ta Internet?

Te bin ya jmoestik ta redes sosiales ya xjuʼ ya yakʼ ta ilel te ya jtoy jbatike, ma jaʼuk te pekʼel koʼtantike (w20.07, paj. 6, 7).

¿Bin ya xjuʼ ya jnoptik ta stojol te jtsakchayetike?

Te lekil jtsakchayetik ya snaʼik banti sok jayeb ora ya staik te chaye, ya snaʼik stuuntesel ta lek te aʼtejibaletik yuʼunik sok ma xiwik manchukme ya xkʼax swokolik. Jaʼnix jich ya xjuʼ ya jpastik-euk ta scholel skʼop Dios (w20.09, paj. 5).

¿Bintik-utʼil ya xjuʼ ya jkoltaytik te estudianteetik kuʼuntik yuʼun kʼuxukxan ta yoʼtanik te Jehová?

Ya xjuʼ ya jtijbeytik yoʼtanik ta skʼoponel te sBibliaik ta jujun kʼajkʼal, jkoltaytik ta snopilanel ta yoʼtanik te bin ya skʼoponike sok jnojptestik ta spasel orasion (w20.11, paj. 4).

¿Machʼatik skʼoplalik te kʼalal la yal te Pablo «ta scuenta Cristo spisilic ya xchaʼcuxajic»? (1 Cor. 15:22).

Te jpuk-kʼop Pablo ma jaʼuk la yal te spisil te ants winiketik ya xchaʼkuxajik, jaʼ skʼoplal te machʼatik tsabilik te ya xbajtik ta chʼulchan, te jaʼik «te machʼatic chʼuhltesbilic ta scuenta Cristo Jesús» (1 Cor. 1:2; 15:18) (w20.12, paj. 5, 6).

¿Bin ya spasik te machʼatik tsabilik te ya xbajtik ta chʼulchan kʼalal kʼatpʼujemikix-a «ta muhtsʼ nax ta sitil, ta slajibal yoqʼuel corneta»? (1 Cor. 15:51-53).

Ya skoltayik te Jesús ta swentainel te nasionetik ta swenta te «bastón-taqʼuin» (Apoc. 2:26, 27) (w20.12, paj. 12, 13).