Сак лыдӟиды-а тӥ та арын поттэм «Возьмаськон башняез»? Эскере, быгатоды-а тӥ та юанъёслы валэктонъёс сётыны.

Кызьы учконо зырӟем христианъёс шоры?

Ми гажаськомы соосты осконзы понна, нош со дыре ик соосты вылӥе ум пуктӥське. Ми нимо-дано адямиос сьӧры ум мынӥське (Иуда 16). Зырӟем христианъёслы инмын улыны осконзы сярысь ми юанъёс ум сётъяське (w20.01, 29-тӥ бам).

Малы вераны луоз, Иегова тӥледын тунсыкъяське шуыса?

Библиын гожтэмын, Инмар тӥледыз вордӥськемдылэсь азьло ик тодӥз шуыса. Со тӥлесьтыд вӧсяськонъёстэс кылзэ. Иегова малпанъёстэс но шӧдонъёстэс тодэ, тӥляд ужъёсты сое шумпотто яке ӝоже уськыто (1 Пар. 28:9; Мад. 27:11). Со тӥледыз ас дораз ачиз ӧтиз (w20.02, 12-тӥ бам).

Ку вераськонлэн дырыз, нош ку шып улонлэн дырыз?

Милемлы кельше Иегова сярысь вераськыны. Ми шып ум улӥське, куке адӟиськомы, кызьы кин ке лэсьтэ сое, мар бадӟым янгыше вуттыны быгатэ. Тӧроос верало, куке кинэ ке тупатыны кулэ. Ми пыр-поч ум вераське (но ум юалляське), кызьы тодытон уж радъямын со шаеръёсын, кытын кивалтӥсьёс ужмес нуыны уг лэзё. Ми ум вераське сое, мае мукетъёсызлы тодыны уг яра (w20.03, 20—21-тӥ бамъёс).

Кыӵе пӧртэмлыкез вань саранчалэн, кудӥз сярысь вераське Иоильлэн книгаысьтыз 2-тӥ люкетын но Усьтӥськонысь 9-тӥ люкетын?

Иоильлэн 2:20—27 верамын, Инмар саранчаез уллялоз но соин ваем изъян понна пунэмзэ берыктоз шуыса. Та азьпалзэ ивортон быдэсмиз, куке вавилон калык урдскиз израиль калык вылэ. Иоильлэн 2:28, 29 гожтэм кылъёс быдэсмизы 33-тӥ арын Витьтонэтӥ нуналэ, куке Инмар ужась-тыршисьёсыз вылэ аслэсьтыз духсэ кисьтӥз. Усьтӥськонын 9:1—11 саранчаен ӵошатӥсько зырӟем христианъёс, кудъёсыз берпуметӥ нуналъёсы уло. Соос верало приговоръёсты, кудъёссэ Инмар та лек дуннелы ялӥз. Со туж уг кельшы соослы, кин та дунне пала дурбасьтэ (w20.04, 3—6-тӥ бамъёс).

Кин туннэ уйпал эксэй луэ?

Россия но со пала кариськись шаеръёс. Соос урдскыло Инмарлэн калыкез вылэ: тодытон ужмес нуыны уг лэзё но вань ужъёсынызы возьмато, Адӟись-Ивортӥсьёсты адӟемпотостэм каро шуыса. Уйпал эксэй нюръяське лымшор эксэен (w20.05, 13-тӥ бам).

Пыро-а «духлэн емышез» пӧлы укмыс сямъёс гинэ, кудъёсыз сярысь вераське Галатъёслы 5:22, 23?

Уг. Инмарлэн духез юрттэ милемлы будэтыны мукет умой сямъёсты но, кылсярысь, шонерлыкез (Еф. 5:8, 9) (w20.06, 17-тӥ бам).

Малы сак луоно, куке интернетэ поттӥськоды комментариостэс, туспуктэмъёстэс но видео?

Куке адямиос адӟозы сое, мае интернетэ поттӥськоды, соос малпаны быгатозы, тӥ ушъяськиськоды но тӥледлы зӥбыт-востэм сям уг тырмы шуыса (w20.07, 6—7-тӥ бамъёс).

Малы христианъёслэн дышетскемзы луэ быгатӥсь чорыгасьёслэсь?

Сыӵе чорыгасьёс тодо, кытын но ку тросгес чорыгез кутыны луэ. Соос кулэ луись тӥрлыкъёсты уже куто но уг кышкало урод куазьлэсь. Милемлы ужан-тыршонын соослэсь адӟем кароно (w20.09, 5-тӥ бам).

Кызьы юрттоно дышетскисьёслы Инмарез эшшо но юнгес яратыны?

Соослэсь мылкыдзэс ӝутэ Библиез лыдӟыны но лыдӟемзы вылын малпаськыны. Озьы ик дышетэ соосты вӧсяськыны (w20.11, 4-тӥ бам).

1 Коринфъёслы 15:22 верамын, «Христос пыр ваньмыз улӟыса султозы» шуыса. Кин пыре соос пӧлы?

Апостол Павел ӧз вера вань адямиос улӟозы шуыса. Солэн верамезъя, улӟемъёс пӧлын луозы зырӟем христианъёс, кудъёсыз «Иисус Христос пыр дун-чылкыт луэмъёс» шуыса нимамын (1 Кор. 1:2; 15:18) (w20.12, 5—6-тӥ бамъёс).

Мар карозы зырӟем христианъёс «син куспын ик, берпуметӥ гумы куара потэм бере ик»? (1 Кор. 15:51—53).

Зырӟем христианъёс Иисусэн ӵош калыкъёсты «корт бодыен» возьмалозы, яке музъем вылысь адямиосын кивалтозы (Усьт. 2:26, 27) (w20.12, 12—13-тӥ бамъёс).