Pamela feypi: “Petu lawentumekelu iñche, müna llükalekefun. Welu ngillatufiñ ta Chaw Jewba, fey doy küme duamkületun. Müna wedalkaenew tüfachi kutran. Welu ngillatufiel mu ta Chaw Dios, kelluenew tañi doy yafüluwküleal. Tati pu che ramtukeenew: ‘¿Chumleymi?’ pikeenew, fey iñche feypikefiñ: ‘Kutrankülen, welu yafüluwkülen, alentawkülekafun’”.

Rupanoliyiñ rume kiñe fütra weda dungu, ka llellipuafiyiñ ta Chaw Ngünechen. ¿Chumngelu? Kom iñchiñ rupakeiñ fütrake kam pichike küdawngechi dungu mew, feymu duamnieiñ taiñ kellungeal. Fey ti llellipun may, ¿rüf kellupeafeiñmu?

Ngüneduamnge chem pin Biblia: “Tami fanetunieetewchi dungu elkünunge Jewba mu, fey kidu am yafülduamnieaeymu. Turpu eluñmalayay ñi tranürpual tati nor chengelu” (Salmo 55:⁠22). Müna yafüluwün-ngey ñi feypin Biblia. Feymu küme ngillatufilmi ta Chaw Dios, kidu kelluaeymu chaftuafiel fillke wedake dungu (pefinge ti trokiñ “ Llellipulmi, ¿chem kümeke dungu llowaymi?”).