Phamila hais tias: “Thaum kuv mus kho kheev xawm (cancer), kuv ntxhov siab kawg nkaus li. Kuv thiaj thov thov Vajtswv Yehauvas, ces kuv lub siab txawm cia li tus. Thaum kuv los txog tsev lawd, kuv ib ce los pheej mob ntsuj ntsuav. Ib qho pab tau kuv tshaj plaws yog thov Vajtswv kom tsis txhob xav ntau ntau yam. Yog li ntawd, thaum luag lwm tus nug seb kuv nyob li cas, kuv hais rau lawv tias kuv lub cev ntaj ntsug tsis zoo li qub lawm los tsuav kuv tseem noj taus nyob taus ces yeej zoo lawm.”

Yog li ntawd, txawm peb yuav raug ib yam loj npaum lub hau roob lossis me npaum li hau koob, los cia peb tsa ncauj hlo thov Vajtswv pab. Peb tsis tas yuav tos txog thaum peb muaj mob hnyav tso peb mam li thov Vajtswv.

Phau Vajlugkub hais tias: ‘Cia li muab nej tej kev nyuaj siab tso rau Yehauvas, nws yuav tsomkwm nej, nws yeej ibtxwm tsis tso cov neeg ncaj ncees tseg.’ (Phau Ntawv Nkauj 55:22) Vajtswv mas siab zuag cuag nplooj dos, siab dawb cuag plawv qos! Yog nej thov raws kev raws cai, ces Vajtswv yuav nyob tsis deb ntawm nej.​—Saib lub ntsiab “ Kev Thov Pab Tau Nej Li No”