Pamela saat: “Wii ich te tratamënt fon kreps kemacht hon, hon ich oft angst kexpiirt. Awer, wën ich tsu Yeehoowa Kot kepeet hon, hon ich ruu kexpiirt un khont peser mit tiise situatsyoon um keen. Ich xpiire noch fiil phayn, awer tas kepeet heleft mich een positiiw atituut hale. Wën ti layt mich frooe wiis mich aan is, tan saan ich: ‘Tas is mich net soo kuut aan, awer ich keen foran!’”

Sicher prayche mer net waarte een xlim propleem im leepe mit mache fer tan peete. Meyer al mache propleeme mit, kroose orer kleene, un als mool prayche mer hilef fer mit tëne um keen. Meecht tas kepeet uns helfe khene?

Ti Piipel saat: “Xmays tayn last uf Yeehoowa, un tee tuut tich xtitse. Tee tuut nii erlaupe tas te kerechte falt.” (Psalm 55:22) Wii kuut is tas wise! Soo, wii khan tas kepeet tich helfe? Wëns tuu tsu Kot peetst in te aat wiis iim kefalt, tan wërt tee tich kepe was tuu prauchst fer mit tayn xwiirichkheete um keen. (Kuk te khaste “ Seechen woos tuu kriin khanst torich tas kepeet”.)