Pamela alumbunwine ngwenyi: “Ngwalizakaminyine chikuma omu vapwile nakunguka musongo wakasa. Oloze omu ngwalombelenga kuli Yehova Kalunga, ngwaunjilenga muchima nakuhona kulizakamina. Shimbu yosena ngweji kwivwanga kukola, oloze kulomba cheji kungukafwanga ngumone vyuma mujila yamwaza. Omu vatu veji kunguhulisanga ngwavo, uli nakwivwa ngachilihi, ngweji kuvakumbululanga ngwami, ‘kangweshi nakwivwa kanawako, oloze nguwakusuuluka.’”

Chipwe ngocho, katwatela kuvandamina omu natupwa muukalu numba jino tulombeko. Tuvosena tweji kumonanga ukalu wakulisezaseza, kaha tweji kusakiwanga vyuma vyakutukafwa tumike muukalu kana. Uno kulomba chinahase kumikafwa tahi?

Mbimbiliya ngwayo: “Mbila chiteli chove hali Yehova, kaha ikiye mwakuzamikisa. Keshi kuketavila muka-kwoloka alimbukeko.” (Samu 55:22) Mazu kana eji kutuvendejekanga chikuma. Uno kulomba chinahase kumikafwa ngachilihi? Nge namulomba mujila yize atevila Kalunga, kaha mwamikafwa mumike muukalu wenu.—Talenu lipwata lwakwamba ngwavo “ Kulomba Chinahase Kumikafwa.”