Woo kaun daut bäden ons halpen?
Pamela haud Kjräft. See deed doamet doktren, oba see bäd uk to Gott, daut hee ar halpen sull, doamet foadich to woaren. Woo haft daut bäden ar jeholpen?
Pamela sajcht: “En dee Tiet, aus ekj doamet doktren deed, haud ekj foaken sea Angst. Oba wan ekj to Jehova Gott bäd, dan feeld ekj mie ruja un kunn bäta denkjen. Ekj hab noch emma väl Weedoag, oba daut bäden halpt mie mootich no väaren to kjikjen. Wan aundre mie froagen, woo mie daut jeit, dan saj ekj: ‘Nich sea scheen, oba ekj sie mootich!’”
Wie brucken nich wachten, bat wie uk soo krank sent ooda groote Trubbels haben, ea wie bäden. Wie aula haben mol kjlandre ooda jratre Sorjen un ons fält Help. Kaun daut bäden ons dan halpen?
De Schreft sajcht: “Laj diene Laust opp däm HARN; dee woat fa die sorjen un hee woat dän jerajchten niemols faulen loten” (Psalm 55:23). Jeft ons daut nich väl Troost? Woo kaun daut bäden ons halpen? Wan wie oppe rajchte Wajch to Gott bäden, dan woat hee ons halpen, met aul onse Sorjen foadich to woaren (see dän Kausten “ “Waut jeft Gott ons, wan wie bäden?”).
Veleicht jleichst du uk dit
DE WOAKTORM
Woat daut waut halpen, wan wie bäden?
Bäden kaun ons en väl Stekjen halpen: Daut ons daut bäta jeit un daut wichtichste es, daut wie doaderch Gott noda komen.
