Pamela ngĩgürügü: “Rü yeguma nanaüü̃gügu i tchorü daꞌawe rü nhuguãcü tchamuü̃. Notürü yeguma Yeuwacaꞌ tchayumüẽgu rü tchoü̃ narüngü̃ẽẽ rü tchameãẽmareü̃. Nhuꞌma woo poraãcü ngúü̃ tchinge rü yumüẽ tchoü̃ narüngü̃ẽẽ. Ngẽguma duü̃ü̃gü tchamaã nideagu i tchorü daꞌawetchiga rü nüü̃ tchiu: tama tchame notürü tchameãẽmare.”

Rü tama ngeicatama niĩ rü ngẽguma tüü̃ nangupetügu i gutchaü̃gü rü Tupanacaꞌ tayumüẽ. Rü guãma i yiema tüü̃ nangema i gutchaü̃gü rü ngẽmacaꞌ tanawaꞌegü tüü̃ narüngü̃ẽẽ. Eꞌna yumüẽ tüü̃ narüngü̃ẽẽ?

Tupanaarü Ore nhanagürü: “¡Cori ya Tupanamaxã nüxü̃ ixu i curü guxchaxü̃gü! Rü nüma rü tá cuxü̃ naporaxẽxẽ. Rü taguma nanaxwa̱xe nax chixexü̃gu tayixü̃ rü ngẽxma tarüchoxü̃ ya yíxema mexü̃ ügüxe.” (Salmo 55:22) Tacaꞌ name nüü̃ tacuaꞌgü i ngẽma! Nhuꞌmatchi, nhuãcü yumüẽ cuü̃ narüngü̃ẽẽ? Ngẽguma Tupanaga cuĩnügu rü nacaꞌ cuyumüẽ rü cuü̃ narüngü̃ẽẽ tá i gutchaü̃güwa.—Nüü̃ nadau i quadru “ Nhuãcü yumüẽ cuü̃ narüngü̃ẽẽ.”