Pamela shunday aytib berdi: «Saratondan davolanayotganimda ko‘pincha qo‘rquvni his qilardim. Ammo Alloh Yahovaga ibodat qilganimda xotirjam tortib, ravshan fikrlay olardim. Haligacha og‘riqlardan azob chekayotgan bo‘lsam-da, ibodat vaziyatimga ijobiy qarashga yordam beryapti. Odamlar hol-ahvol so‘rashganida, men: “Sog‘lig‘im uncha yaxshi emas-u, lekin kayfiyatim a’lo!” — deb javob beraman».

Albatta, ibodat qilish uchun hayotimizga xavf soladigan vaziyat yuz berishini kutib o‘tirmaymiz. Chunki barchamiz katta-yu kichik muammolarga duch kelib turamiz va odatda ularni hal qilish uchun yordamga muhtoj bo‘lamiz. Bunday paytlarda ibodat ko‘maklasha oladimi?

Muqaddas Kitobda: «G‘am-tashvishingni Yahovaga tashla, Uning O‘zi senga tayanch bo‘ladi. Odil kishining yiqilishiga U aslo yo‘l qo‘ymaydi»,— deyilgan. (Zabur 55:22) Naqadar daldali so‘zlar! Xo‘sh, ibodat sizga qanday yordam berishi mumkin? Xudoga ma’qul tarzda ibodat qilganingizda, U sizga qiyinchiliklarni yengish uchun kerak bo‘lgan barcha narsani taqdim etadi. (« Ibodat sizga qanday foyda keltirishi mumkin?» nomli ramkaga qarang.)