Nagdadangog an Diyos. Sinisigurado sa sato kan Bibliya na ‘harani nanggad si Jehova sa gabos na nag-aarang sa saiya, sa gabos na nag-aarapod sa saiya sa katotoohan. . . . Hihinanyugon niya an [paghagad ninda nin tabang].’—Salmo 145:18, 19.

Gusto nin Diyos na mamibi ka sa saiya. Inaagda kita kan Bibliya: “Sa gabos na panahon paagi sa pamibi asin pagngayo-ngayo na may kaibang pasasalamat, ipaaram nindo sa Diyos an saindong mga kahagadan.”—Filipos 4:6.

An Diyos talagang nagmamakulog sa saimo. Aram nin Diyos an gabos tang problema asin ikinakahadit, saka gusto niyang tumabang. ‘Ipasa nindo sa saiya an gabos nindong kahaditan,’ an sabi kan Bibliya, “huli ta nagmamakulog siya sa saindo.”—1 Pedro 5:7.