Pathian nih thlacamnak kha a ngaih. Baibal nih hitin a kan ti: “A autu vialte hna cu an pawng khin a um hnawh hna, lungtak in a autu vialte hna cu. . . . an aunak kha a theih.”—Salm 145:18, 19.

Pathian nih a sinah thlacam seh ti aan duh. Baibal nih hitin a kan sawm: “Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.”—Filipi 4:6.

Pathian nih aan zohkhenh taktak. Pathian nih kan lungretheihnak kha a hngalh i bawmh a kan duh. Baibal nih hitin a ti: “Amah nih aan zohkhenh hna caah nan lungretheihnak vialte kha amah cungah chia dih ko u.”—1 Peter 5:7.