Ñandejára nerendu: La Biblia oasegura ñandéve Jehová ndohejaiha “umi hese ojeroviávape, umi persóna sinséramente oñemboʼévape chupe”. Oĩ jave ojeruréva ajúda, “katuete haʼe ohendu ha osalva chupekuéra” (Salmo 145:18, 19).

Ñandejára oipota reñemboʼe chupe: La Biblia heʼi péicha: “Oimeraẽ situasiónpe pejerure Ñandejárape penepytyvõ hag̃ua, peñemboʼe ha pejerure asývo chupe, ha peagradese avei chupe” (Filipenses 4:6).

Ñandejára ojepyʼapy nderehe: Ñandejára oikuaapaite umi mbaʼe ñandepyʼapýva ha ñanepytyvõse. La Biblia heʼi voi: “Pemoĩ ipópe entéro mbaʼe pendepyʼapýva, pórke haʼe ojepyʼapy penderehe” (1 Pedro 5:7).