Vajtswv yeej cuab pob ntseg mloog. Phau Vajlugkub hais tias: “Nws nyob ze txhua tus uas thov nws, thiab txhua tus uas muab siab npuab nws. . . . nws hnov lawv tej suab thov thiab cawm lawv dim.”​—Phau Ntawv Nkauj 145:18, 19.

Vajtswv yeej mloog ntsoov nej thov. Phau Vajlugkub hais tias: “Nej tsis txhob nyuaj siab rau ib yam dabtsi hlo li, thaum nej thov Vajtswv nej cia li qhia txhua yam uas nej xav yuav rau Vajtswv, thiab thaum nej thov nej yuav tsum nco ntsoov ua Vajtswv tsaug.”​—Filipis 4:6.

Vajtswv hmov tshua nej. Tej nyob nraim nkoos hauv nej nruab siab los Vajtswv paub txhij paub txhua. Vajtswv yeej muaj lub siab xav pab nej tiag. Phau Vajlugkub hais tias: “Vajtswv yog tus uas niaj hnub tsomkwm nej, yog li ntawd nej cia li muab nej tej kev nyuaj siab huv tibsi tso plhuav rau Vajtswv.”​—1 Petus 5:7.