Աստված լսում է ձեր աղոթքները։ Սուրբ Գիրքը վստահեցնում է, որ «Եհովան մոտ է բոլոր իրեն կանչողներին, բոլոր նրանց, ովքեր ճշմարտությամբ են կանչում իրեն։ Նա.... լսում է նրանց օգնության կանչը» (Սաղմոս 145։18, 19)։

Աստված ուզում է, որ աղոթեք իրեն։ Աստծու Խոսքը հորդորում է. «Ամեն ինչում աղոթքով և աղաչանքով շնորհակալության հետ մեկտեղ թող ձեր խնդրանքները հայտնի լինեն Աստծուն» (Փիլիպպեցիներ 4։6)։

Աստված իսկապես հետաքրքրված է ձեզանով։ Նա լավատեղյակ է, թե ինչ հոգսեր ու անհանգստություններ ունեք, և ցանկանում է օգնել ձեզ։ Աստվածաշնչում ասվում է. «Ձեր ամբողջ հոգսը նրա վրա գցեք, որովհետև նա հոգ է տանում ձեր մասին» (1 Պետրոս 5։7)։