Ɛsɔ welisiɣ. Bibl yeba nɛ ɖa-taa tɛ se Yehowa wɛ “mba payaɣ-ɩ yɔ pɔ-cɔlɔ kpam, mba payaɣ-ɩ tʋtʋyɛ taa yɔ. . . . Ɛnɩɣ po-kubusi nɛ ɛyakɩ pa-ñʋŋ.” —Keɣa 144:18, 19.

Ɛsɔ sɔɔlaa se ŋtɩmnɩ-ɩ. Bibl seɣtiɣ-ɖʋ se: “Paa mbʋ pɩ-taa lɛ, ɩtɩŋnɩ adɩma nɛ tenduu yɔɔ, pɩkpɛndɩnɩ sɛtʋ nɛ iyele nɛ Ɛsɔ tɩlɩ mbʋ ɩpɔzʋʋ yɔ.”—Filiipi mba 4:6.

Toovenim taa lɛ Ɛsɔ maɣzɩɣ ñɔ-yɔɔ. Ɛsɔ sɩm ña-kʋñɔmɩŋ nɛ ña-nɩɣzɛ tɩŋa payɩ camɩyɛ, nɛ ɛsɔɔlaa se ɛsɩnɩ-ŋ. Bibl yɔɔdʋʋ se: “Ɩɖʋzɩ mɩ-nɩɣzɛ kpeekpe e-nesi tɛɛ, mbʋ pʋyɔɔ yɔ ɛcɔŋnɩ mɩ-yɔɔ.”—1 Pɩyɛɛrɩ 5:7.