Deus ta obi bus orason. Bíblia ta da-nu sertéza ma ‘Jeová sta pértu di tudu kes ki ta pâpia di el, di tudu kes ki ta pâpia verdadi sobri el. El ta obi-s óras ki es pidi ajuda’. — Salmo 145:18, 19.

Deus krê pa bu faze orason pa el. Bíblia ta konvida-nu: ‘Na tudu kuza, nhos faze orason ku súplika, djuntu ku agradesimentu, pa nhos dexa Deus sabe kuzê ki nhos krê’. — Filipenses 4:6.

Deus ta preokupa ku bo di verdadi. Deus sta sienti di tudu nos preokupason i prublémas, i el krê djuda-nu. Bíblia ta fla: ‘Nhos bota tudu nhos preokupason riba di el, pamodi el ta kuida di nhos.’ — 1 Pedro 5:7.