តើព្រះស្ដាប់សេចក្ដីអធិដ្ឋានរបស់អ្នកឬទេ?
ពេលអ្នកអធិដ្ឋាន តើអ្នកគិតថាព្រះពិតជាស្ដាប់អ្នកឬទេ?
តើគម្ពីរចែងយ៉ាងណា?
ព្រះកំពុងស្ដាប់។ គម្ពីរធានាយើងថា៖ «ព្រះយេហូវ៉ាទ្រង់គង់នៅជិតនឹងអស់អ្នកដែលអំពាវនាវដល់ទ្រង់ គឺអស់អ្នកដែលអំពាវនាវដល់ទ្រង់ដោយពិតត្រង់ . . . ក៏នឹងឮពាក្យអំពាវនាវរបស់គេ»។—ទំនុកតម្កើង ១៤៥:១៨, ១៩
ព្រះចង់ឲ្យអ្នកអធិដ្ឋានទៅលោក។ គម្ពីរអញ្ជើញយើងឲ្យ«អធិដ្ឋាន អង្វរសុំ ព្រមទាំងថ្លែងអំណរគុណ ចូរជម្រាបព្រះអំពីសំណូមពររបស់អ្នករាល់គ្នា ក្នុងគ្រប់ការទាំងអស់»។—ភីលីព ៤:៦
ព្រះរមែងគិតអំពីអ្នក។ ព្រះដឹងច្បាស់អំពីការព្រួយបារម្ភនិងទុក្ខកង្វល់ទាំងអស់របស់យើង ហើយលោកចង់ជួយយើង។ គម្ពីរចែងថា៖ «ផ្ទេរកង្វល់ទាំងអស់ទៅព្រះ ពីព្រោះលោករមែងគិតអំពីអ្នករាល់គ្នា»។—ពេត្រុសទី១ ៥:៧