Kalunga eji kwivwililanga kukulomba. Mbimbiliya yatufwelelesa ngwayo, “Yehova atwama hakamwihi navosena vaze veji kumusanyikaga, navosena vaze veji kumusanyikanga mwamuchano. . . . Eji kwivwanga tuwelele twavo.”—Samu 145:18, 19.

Kalunga ali nakusaka mulombenga kuli ikiye. Mbimbiliya yatulweza ngwayo: “Muvyuma vyosena, hakulomba nahakulembelela, nahakusakwilila, mulwezenunga Kalunga vyuma munakusaka.”—Wavaka-Fwilipi 4:6.

Kalunga amizakama chikupu. Kalunga atachikiza vyuma vyosena tuli nakulizakamina, ngocho asaka kutukafwa. Mbimbiliya ngwayo: “Mbilenu kulizakamina chenu chosena hali yikiye, mwomwo amizakama.”—WaPetulu 1, 5:7.