Nzambi watiyililaña. Bayibolu yatulejaña nawu: “Yehova wudi kwakwihi nawantu ejima akumutambika, nawejima akumutambika chalala. . . . wukutiya nawa chakubilelawu, Wukuyamwina.”—Masamu 145:18, 19.

Nzambi nakukeña nindi mumulombeña. Bayibolu yatulejaña nawu: “Muyuma yejima, mukulomba nimukulomba kwakulembelela nimukusakilila, mulejenuña Nzambi yuma yonsu yimunakukeña.”—Afwilipi 4:6.

Nzambi wayakamenaña. Nzambi neluki kukala kutunakumona nawa nakufwila kutukwasha. Bayibolu yahosha nawu: “Muumbilenuña kwakama kwenu kwejima, muloña yena wayakamenaña.”—1 Petulu 5:7.