¿In tzajpe tbʼiʼn Dios qe qnaʼj Dios?
Aj tnaʼna Dios, ¿in nokpe qeʼ tkʼuʼja tiʼj qa in tzaj bʼiʼna tuʼn Dios?
AJU IN TZAJ TQʼAMAʼN TYOL DIOS
In tzaj bʼiʼna tuʼn Dios. In tzaj tqʼamaʼn Xjan Uʼj qa «niqayin taʼ Qman [Jehová] kyiʼj qeju in che kubʼsan twitz, aqeju axix tok kyuʼn. [...] Ex ok t-xi kyqanin onbʼil te in che tzaj tbʼiʼn» (Salmo 145:18, 19).
Taj Dios tuʼn tnaʼna Dios te. In tzaj tqʼoʼn Xjan Uʼj txokbʼil lu teya: «Tkyaqil kymanxe te Dios tuj kynaʼj Diose; kyqaninxe te, ax ikx kyqʼonxe chjonte te» (Filipenses 4:6).
At tkʼuʼj Dios tiʼja. In nok tqʼoʼn twitz kyiʼj nya bʼaʼn in nikʼa toj ex tiʼjju in bʼaj tkʼuʼja tiʼj. Ax ikx, taj tuʼn tonin tiʼja. In tzaj tqʼamaʼn Xjan Uʼj tuʼn t-xi tqʼamaʼna tkyaqilju in bʼaj tkʼuʼja tiʼj te Dios tuʼnju in ximen tiʼja (1 Pedro 5:7).
