Бог слуша. Библијата нѐ уверува дека „Јехова е близу до сите што го повикуваат, до сите што го повикуваат во вистина... ќе го чуе нивниот повик“ (Псалм 145:18, 19).

Бог сака да му се молиш. Во Библијата сме поттикнати: „Во сѐ — со молитви и молби, со благодарење — изнесете му ги своите барања на Бог“ (Филипјаните 4:6).

Бог се грижи за нас. Тој многу добро ги знае нашите грижи и стравови, и сака да ни помогне. Во Библијата пишува: „Сите свои грижи фрлете ги на него, зашто тој се грижи за вас“ (1. Петрово 5:7).