Wẽnnaam kelgdame: Biiblã wilgdame tɩ “Sẽn-Ka-Saab pẽe ne neb nins sẽn boond bãmbã, b pẽe neb nins sẽn boond bãmb ne sɩdã. . . . B sã n bool-b n kos sõngre, bãmb wʋmdame n wa sõng-ba.”—Yɩɩn-sõamyã 145:18, 19.

Wẽnnaam ratame tɩ y pʋʋsd-a: Biiblã yeta tõnd yaa: “Da maan-y yɩɩr baa fʋɩ poorẽ ye. La bũmb fãa pʋgẽ, bɩ y tũnug ne pʋʋsg la se-yõkr ne bark pʋʋsgo, n wilg Wẽnnaam bũmb nins y sẽn kotã.”—Filip rãmbã 4:6.

Wẽnnaam sɩd geta yãmb yelle: Wẽnnaam mii d zu-loeesã la d yɩɩrã, n dat n sõng tõndo. Biiblã yetame: “Sik-y y yɩɩrã fãa n bas ne bãmba, bala bãmb geta yãmb yelle.”—1 Pɩyɛɛr 5:7.