¿Kikaki toTeotsij kema timomaijtouaj?
Kema timomaijtoua, ¿timoiljuia toTeotsij nelnelia mitstlakakilia?
¿TLAKE KIIJTOUA BIBLIA?
ToTeotsij kena mitstlakakilia. Biblia kiijtoua: “ToTeko itstok ininnechka nochi tlen kinotsaj. Kena, itstok ininnechka nochi tlen kitemouaj ika nochi ininyolo. [...] Kintlakakilia kema kitsajtsiliaj ma kinpaleui” (Salmo 145:18, 19).
ToTeotsij kineki xijnojnotsa. Biblia techtlaneui ma tijchiuakaj ni tlamantli: “Ximomaijtokaj ika toTeko ika nochi tlen inmechpanotiuala. Xijtlajtlanikaj ma inmechmaka nochi tlen moneki uan xijtlaskamatikaj para nochi tlen inmechchiuilijtok” (Filipenses 4:6).
ToTeotsij nelnelia kitekipachoua tlen mitspano. ToTeotsij kiita nochi tlen mitskuesoua uan mitstekipachoua, uan kineki mitspaleuis. Biblia kiijtoua: “Xikiljuikaj toTeko nochi inmokuesol uan xijkauakaj imako, pampa yajaya inmechmokuitlauia” (1 Pedro 5:7).