Kansi Mulungu akumvwa mapemphelo ŵanu?
Mukopemphela, kansi muganiza kuti Mulungu omvwishila chendi?
KANSI BAIBOLO YULAŴILA VOTYANI?
Mulungu omvwishila. Baibolo yunena kuti: “Yehova ali pafupi na ŵanthu onse oitila pali yove. Yove ali pafupi na onse amene omuita n’chonadi . . . . Azamvwe kukuwa kwawo kosenga thandizo.”—Salimo 145:18, 19.
Mulungu ofuna kuti mukopemphela kuli yove. Baibolo yutiuja kuti: “Pa chilichonse mwa pemphelo na kupapatila, pamozi na chiyamiko, vosenga vanu viziŵike kwa Mulungu.”—Afilipi 4:6
Mulungu okuganizilani. Mulungu oziŵa nkhaŵa zanu zonse ndipo ofuna kukuyavyani. Baibolo yulaŵila kuti: ‘mukomutulila nkhaŵa zanu zonse, okudelani nkhaŵa.’—1 Petulo 5:7.