Diosqa uyarisunki. Bibliaqa niwanchej Jehová ‘Dios payta wajyakojkunaj qayllanpi kashasqanta, pikunachus cheqa sonqowan payta wajyakojkunaj qayllankupi; yanapata mañakusqankuta uyarispa’ (Salmo 145:18, 19).

Diosqa munan mañakunaykita. Bibliaqa kayta niwanchej: “Tukuy imapaj Diospa yanapayninta mañakuychej. Paymantaqa tukuy sonqo mañakuychej, rogakuspa, graciasta qospataj”, nispa (Filipenses 4:6).

Diosqa qanmanta llakikunpuni. Diosqa yachan problemasniykita, imachus llakichisusqanta ima, yanapasuytataj munan. Bibliaqa nin ‘tukuy llakiyniykita Diospa makinman saqenaykita’ imaraykuchus payqa qanmanta llakikun (1 Pedro 5:7).