Te akarongo maira te Atua. Te akapapu maira te Pipiria kia tatou e “te vaitata mairā Iehova i te aronga i kapiki atu iaia, i te aronga i kapiki atu iaia ma te pikikaa kore. . . . Ka akarongo mai aia i ta ratou kapiki.”​—Salamo 145:18, 19.

Inangaro te Atua ia koe kia pure kiaia. Te pati maira te Pipiria ia tatou: “E akakite ua ra ki te Atua i to kotou anoano i te au mea katoa ra i te pure, e te pati anga atu ma te akameitaki.”​—Philipi 4:6.

Te manako maira te Atua ia koe. Kua kite meitaki aia i to tatou au manamanata e te taitaia, e te inangaro ra aia i te tauturu ia tatou. Karanga te Pipiria, “E uri i to kotou tumatetenga katoa ki runga iaia; koia oki te tiaki mai ia kotou.”​—1 Petero 5:7.