Maganu Huuccattokki Macciishshanno?
Huuccatto assiˈratto woyite Maganu macciishshannoe yite hedatto?
QULLAAWU MAXAAFI MAYYAANNO?
Maganu macciishshanno. Qullaawu Maxaafi togo yaanno: “Kaaliiqi woshshidhannosirira, . . . baalaho mule no. . . . raarensa macciishshe gatisannonsa.”—Faarso 145:18, 19.
Maganu iso huucciˈrattora hasiˈranno. Qullaawu Maxaafi, “Baalunku coyira galaxxitinanninna huuccidhinanni hasidhinoonni coye Maganoho kuˈle” yaanno.—Filiphisiyusi Sokka 4:6.
Maganu ate daafira seekke hedanno. Maganu dadillenkenna yaaddonke seekke afino. Qoleno kaaˈlankera hasiˈranno. Qullaawu Maxaafi “Kiˈnere malannohu isootina, qarrisannoˈnere baala isi aana tuqqe” yaanno.—1 Pheexiroosi 5:7.