Gado e arki. Bijbel e sori krin taki „Yehovah de krosibei fu ala den wan di e kari en. A de krosibei fu ala den wan di e bari kari en nanga wan krin ati . . . Te den e bari suku yepi na en, a o yere den.”​—Psalm 145:18, 19.

Gado wani taki yu begi en. Bijbel e taigi wi: „Begi Gado ala ten, begi en fayafaya èn taki en tangi tu. Na so a o kon sabi san unu wani aksi en.”​—Filipisma 4:6.

Gado e broko en ede nanga yu trutru. Gado sabi heri bun sortu problema nanga broko-ede yu abi èn a wani yepi yu. Bijbel e taki: „Trowe ala un hebi na en tapu, bika a e broko en ede nanga unu.”​—1 Petrus 5:7.