Aôndo ngu ungwan. Bibilo pase se wang ér, “TER ngu ikyua ikyua a mba ve yer Un cii, mba ve yer Un sha mimi la cii. . . . Una ungwa mliam vem.”—Pasalmi 145:18, 19.

Aôndo soo ér we u eren msen hen a na. Bibilo kaa a vese ér, “Ken hanma mlu cii, pasen nen Aôndo akaa a a gbe ne la ken mbamsen mba zamber man mbamsen mba sughun un.”—Mbafilipi 4:6.

Kwagh wou gba Aôndo ishima sha mimi. Aôndo fa mbamzeyol asev kua akaa a a nan se ishimanyian la vindi vindi, nahan a soo u wasen se. Bibilo kaa ér, “Gema nen ishimanyian yen cii, haa nen sha a na, sha ci u kwagh wen gba un ishima.”—1 Peteru 5:7.