Chiuta wakupulika. Baibolo likutisimikizgira kuti: “Yehova wali pafupi na wose awo ŵakumuchema, wose awo ŵakumuchema mu unenesko. . . . Wakupulika para ŵakulira kuti waŵavwire, ndipo wakuŵathaska.”​—Salimo 145:18, 19.

Chiuta wakukhumba kuti mulombenge kwa iyo. Baibolo likutiphalira kuti: “Mu lurombo na maŵeyelero pamoza na kuwonga, madandawuro ghinu ghamanyikwe kwa Chiuta.”​—Ŵafilipi 4:6.

Chiuta wakumupwelelerani. Chiuta wakumanya ivyo tikufipa navyo mtima ndipo wakukhumba kutovwira. Baibolo likuti: “Muthulirani vyose ivyo mukwenjerwa navyo, chifukwa wakumupwelelerani.”​—1 Petrosi 5:7.