E Mata, e Lagona ne te Atua au ‵Talo?
Kafai e ‵talo atu koe, e mata e mafaufau koe me e lagona eiloa ne te Atua au ‵talo?
NE A PATI A TE TUSI TAPU?
A te Atua e fakalogologo. E fakatalitonu mai te Tusi Tapu ki a tatou me i a “Ieova e pili ki a latou kolā e ka‵laga atu ki a ia, ki a latou kolā e ka‵laga atu ki a ia i te munatonu. . . . E lagona ne ia te lotou ‵tagi mō se fesoasoani.”—Salamo 145:18, 19.
A te Atua e manako ke ‵talo atu koe ki a ia. E fai mai te Tusi Tapu: “Ke tuku atu a mea katoa kolā e ma‵nako koutou ki ei ki te Atua fakatasi mo otou fakafetai e auala i otou talosaga.”—Filipi 4:6.
A te Atua e atafai eiloa ki a koe. E iloa faka‵lei ne te Atua a mea kolā e manavase koe ki ei, kae e manako a ia o fesoasoani atu. “‵Pei atu . . . otou manavasega katoa ki luga i a ia,” e fai mai te Tusi Tapu, “me e atafai a ia ki a koutou.”—1 Petelu 5:7.