Wobɔ Mpae a Onyankopɔn Tie?
Wohwɛ a, Onyankopɔn tie mpae a wobɔ no?
DƐN NA BIBLE AKA?
Onyankopɔn tie wo mpaebɔ. Bible ma yenya awerɛhyem sɛ ‘Yehowa bɛn wɔn a wɔfrɛ no nyinaa, wɔn a wɔfrɛ no nokwaredi mu no, na obetie wɔn sufrɛ.’—Dwom 145:18, 19.
Onyankopɔn pɛ sɛ wobɔ no mpae. Bible ka sɛ: “Momfa mpaebɔ ne nkotɔsrɛ ne aseda so mfa mo adesrɛ nto Onyankopɔn anim ade nyinaa mu.”—Filipifo 4:6.
Onyankopɔn dwen wo ho paa. Yɛn haw ne yɛn dadwen nyinaa, Onyankopɔn nim, na ɔpɛ sɛ ɔboa yɛn. Bible ka sɛ: “Montow mo dadwen nyinaa ngu no so, efisɛ odwen mo ho.”—1 Petro 5:7.