Naa Mudzimu U A Pfa Thabelo Dzaṋu?
Naa ni vhona u nga Mudzimu u a thetshelesa musi ni tshi rabela?
ZWINE BIVHILI YA ZWI AMBA:
Mudzimu u a thetshelesa. Bivhili i ri: “Yehova u tsini na vhoṱhe vhane vha mu vhidzelela, vhoṱhe vhane vha mu vhidza nga ngoho. . . . U pfa tshililo tshavho tsha u ṱoḓa thuso.”—Phisalema 145:18, 19.
Mudzimu u ṱoḓa ni tshi mu rabela. Bivhili i ri: “Zwoṱhe zwine zwa ni vhilaedzisa ni vhudze Mudzimu nga thabelo, nga u humbela zwi tshi bva mbiluni ni tshi mu livhuwa.”—Vhafilipi 4:6.
Mudzimu u na ndavha na inwi. Mudzimu u ḓivha thaidzo dzashu dzoṱhe na zwine zwa ri vhilaedzisa nahone u ṱoḓa u ri thusa. Bivhili i ri: “Ni mu kumedzele mbilaelo dzaṋu dzoṱhe, ngauri u na ndavha na inwi.”—1 Petro 5:7.
