Ginpapamatian ba han Dios an Imo mga Pag-ampo?
Kon nag-aampo ka, ginpapamatian ka gud ba han Dios?
ANO AN SIRING HAN BIBLIA?
An Dios namamati. Ginpapasarig kita han Biblia nga “hi Jehova hirani ha ngatanan nga natawag ha iya, ha ngatanan nga natawag ha iya uyon ha kamatuoran. . . . Namamati hiya han ira pangaraba para hin bulig.”—Salmo 145:18, 19.
An Dios naruruyag nga mag-ampo ka ha iya. Gin-aaghat kita han Biblia: “Ha ngatanan nga butang pinaagi han pag-ampo ngan pangamuyo nga may pagpasalamat, ipahibaro niyo ha Dios an iyo mga hangyo.”—Filipos 4:6.
An Dios nahigugma gud ha imo. Maaram gud an Dios han aton mga problema ngan ginkakabarak-an, ngan karuyag niya nga buligan kita. An Biblia nasiring: ‘Ipasa ha iya an ngatanan niyo nga kabaraka, kay nagtatagad hiya ha iyo.’—1 Pedro 5:7.