ʼE Fagono Koa Te ʼAtua Ki ʼAu Faikole?
ʼI tau manatu, ka ke faikole ki te ʼAtua, ʼe fagono moʼoni atu koa?
KOTEA ʼAE ʼE UI ʼI TE TOHI-TAPU?
ʼE fagono te ʼAtua. ʼE ui fenei ʼi te Tohi-Tapu: “ ʼE ovi ia Sehova kia natou fuli ʼae ʼe fetapa kia te ia, ia natou fuli ʼae ʼe fetapa kia te ia ʼi te moʼoni. . . . Pea ʼe logo ki ʼanatou tagi.”—Pesalemo 145:18, 19, MN.
ʼE loto e te ʼAtua ke ke faikole age kia te ia. Koʼeni he fakaafe ʼe fai mai ʼi te Tohi-Tapu: “ ʼI te temi fuli ʼaki te faikole mo te kole mamahi pea mo te fakafetaʼi, kotou fakaha ki te ʼAtua ʼakotou kole.”—Filipe 4:6.
ʼE tokaga moʼoni te ʼAtua kia koe. ʼE iloʼi lelei e te ʼAtua ʼotatou tuʼania mo ʼotatou hoha, pea ʼe fia tokoni mai. ʼE ui fenei ʼi te Tohi-Tapu: “Kotou tuku kia te ia ʼakotou tuʼania fuli, he ʼe tokaga ia kia koutou.”—1 Petelo 5:7.