¿Ku yuʼubik wa Dios a oraciónoʼob?
¿Ka creertik wa jach tu jaajil ku yuʼubikech Dios kéen orarnakech?
¿BAʼAX KU YAʼALIK LE BIBLIAOʼ?
Dioseʼ ku yuʼubikech. Le Bibliaoʼ ku yaʼalikeʼ «Jéeobaeʼ tiaʼan naatsʼ tiʼ tuláakal le máaxoʼob chʼaʼchiʼitik u kʼaabaʼoʼ, le máaxoʼob yéetel u jaajil u yóoloʼob ku beetkoʼoboʼ [...], ku salvarkoʼob le kéen u yuʼub táan u kʼáatkoʼob áantaj» (Salmo 145:18, 19).
Dioseʼ u kʼáat ka orarnakech tiʼ. Le Bibliaoʼ ku yaʼalik: «Aʼaleʼex tiʼ Dios ich oración tuláakal baʼax a kʼáateʼex. Kʼáat óolneneʼex tiʼ letiʼ yéetel tsʼáaʼex gracias tiʼ, beeteʼex yéetel tuláakal a puksiʼikʼaleʼex» (Filipenses 4:6).
Dioseʼ taak u yáantkech. Dioseʼ u yojel baʼaxoʼob chiʼichnakkúuntikech, le oʼolal taak u yáantkech. Le Bibliaoʼ ku yaʼalik: «Pʼateʼex tu kʼab Dios tuláakal le kuuch chiʼichnakkúuntikeʼexoʼ, tumen letiʼeʼ jach taak u yáantkeʼex» (1 Pedro 5:7).