Jɛ̀hóvà Zàse Ɓě—À Mɔ̀ Nyɛ́ɛ̌?
À sɔ̀ìn ɖé nyɔ-dù kè nyɔ ɓě po wuɖu-dù hɔ̃dɛ̀ɖɛ̀ kò-kò ɓěɛɛ hwìɛ̀ dyɛo, kɛɛ à kpɔ̃ìn gbo ɖé ɖɛ dyúáɖò nyu-nyu mú. Ɓó ɖɛ séín kɔ̃in nyɛɛ, à mɔ́ ɓɛ́ à ké Jɛ̀hóvà Gèɖèpɔ́ɔ̀ kɔ̃̀ wuɖu mɔ̀à Báɓòɔ̀ kɛ kè ɖɛ séín Mɛ-Nyɔ̀ɔ̀ kɛɛ dya dè. À vɔ̃ ɓɛ́ à ké Jízɛ̀ Kɛ́ɖɛ́ì ɓo bɛ̃̌ǐn sí, ké à hwòɖǒ dèɛ̀ìn múin ɓɛ́ à ké Kɛ́ɖɛ́ì ɖeín-sí-nyɔ̀ ɓě jǔ. À ɖò-ɖò séín ɖú ti dyí, ɓɛ́ à ké nyɔ ɓě gbo kpá, ɓɛ́ wa ké Báɓòɔ̀ kè Gèɖèpɔ́ɔ̀ Kã́á-ɓòɖòɔ̀ jè cɛ̃́. Sepóɛɖé à cɛ̃ Jɛ̀hóvà Gèɖèpɔ́ɔ̀ kè ɔ Kã́á-ɓòɖòɔ̀ jè jèɛɛ, wa ɖáìn à Jɛ̀hóvà Zàse ɓě.
Gmɔìn à páɔ̀ kɔ̃in. Zà Báɓòɔ̀ wuɖuún ɖúú kɔ̃. Cɛ̃́ ɖɛ pàɖǎ ɓá à jè kè ɖɛ ɓě à po jǎà kɛɛ jè dyí.
