A Lamot Ngenikich eú Fénúfan mi Múrinné!
Iei alon ewe secretary-general lón ewe United Nations itan António Guterres: “Sia nóm wóón ei fénúfan mi uren fitikoko.” Ese mwáál, ka pwal tipeeú ngeni.
Ekkewe news ra chék uren pwóróus mi eletipechou
Samau me pandemic
Chechchechin fénú, taifun me metakkan
Mwelele me echik
Limengawolóón me sópwósópwólóón pwichikkaren fénúfan
Atai allúk, féfférún akkachofesá, me pworoingaw
Maun
A ffat pwe a lamot an epwe wor eú fénúfan mi éch seni ei, ikewe epwe wor
Péchékkúlen inis
Kinamwe me núkúnúkéch fán iten meinisin
Chómmóng mwéngé
Eú fénúfan mi limeliméch
Pwúngiéch ngeni meinisin
Kinamwe wóón unusen fénúfan
Nge met weween ach fós usun eú fénúfan mi éch seni ei?
Met epwe fis ngeni ei fénúfan sia nónnóm wóón?
Met sipwe féri pwe sipwe tongeni nóm wóón eú fénúfan mi éch seni ei?
Ekkeei lesen lón ei Leenien Mas repwe pélúweni seni Paipel ekkena kapas eis me pwal ekkewe ekkóch kapas eis, nge pélúwer ra tongeni ekinamwekich.
Neman Kopwe Pwal Sani
EWE LEENIEN MAS
Pwata Sia Osupwangen ewe Mwúún Kot?
Lupwen aramas rese unuséch ra nemenem wóón aramas, sópwólóón mi chék osukosuk.
