A Ṭha Deuhmi Vawlei Kan Herh
United Nation ah secretary a ṭuannmi António Guterres nih “buaibainak in a khatmi vawlei ah kan nung” tiah a ti. Mah cu na hna a tla ko lo maw?
Thanh ca hna ah lungretheihnak in a khatmi thawngpang hna aa tel:
Zawtnak le pulrai
Leiser ral
Sifah harnak le mangṭam
Thurhnawmhnak le vawlei lum chinnak
Sualnak, zaangennak le ziaza rawhralnak
Raltuknak
A ṭha deuhmi vawlei kan herh ti cu a fiang ko. Vawlei cu hitin a si cang lai.
A tlingmi ngandamnak
Himnak le mi kip humhimnak
Ti rawl tampi
A thiangmi pawngkam
Mi kip caah dinnak
Vawleicung pumpi daihnak
Asinain a ṭha deuhmi vawlei tiah kan ti tikah zeidah kan chim duhmi a si?
Atu kan umnak vawleicung ah zeidah a cang lai?
A ṭha deuhmi vawlei ah nun khawh dingin zeidah kan tuah khawh?
Hi Vennak Innsang cauk ah mah biahalnak hna le mah he aa pehtlaimi a dang biahalnak hna i lungsi hnangamnak a pemi Baibal a phi kha a fianter lai.
Mah Kong Hna Zong Hi Na Duh Khawh Men
VENNAK INNSANG
Zeicah Pathian Pennak Kan Herh?
A tling lomi minung nih anmah le anmah an i uk tikah buaibainak cu a tam chinchin.
