Imoyom Obufa Ererimbot!
António Guterres, emi edide akwaowo ke Esop Edidiana Mme Idụt, ọkọdọhọ ke mfịna ererimbot emi edi omụm mi ọwọrọ ko. Ndi idịghe ntre?
Ata ediwak se ikopde ke mbụk n̄kpọntịbe ẹsinanam esịt ọduọ owo, utọ nte:
Ndiọi udọn̄ọ emi atarade asuana
Oto-obot afanikọn̄
Biọn̄ ye ubuene
Nte ẹbiatde isọn̄, mmọn̄, ye ofụm
Ubiatibet, afai, ye udia-inọ
Ekọn̄
Kpukpru emi owụt ke imoyom obufa ererimbot emi nti n̄kpọ emi ẹditịbede:
Owo ndomokiet idọn̄ọke
Owo ikopke ndịk
Udia odu barasuene
Kpukpru itie asana onyụn̄ eye
Utụk ye ufịk idụhe
Emem odu ke ofụri isọn̄
Edi nso idi obufa ererimbot emi itịn̄de iban̄a mi?
Nso iditịbe inọ ererimbot emi idude idahaemi?
Nso ke ikpanam man idu uwem ke obufa ererimbot?
Magazine emi owụt nte Bible ọbọrọde mme mbụme emi ye mme mbụme en̄wen oro aban̄ade n̄kpọ emi.
Ekeme Ndidi Ayama Mmọ Emi N̄ko
ENYỌN̄-UKPEME
Ntak Emi Iyomde Obio Ubọn̄ Abasi Edi?
Mfịna edisụk idodu edieke mme owo ẹsụk ẹkarade.
