Nou bizwen on mond méyè !
Mi sa António Guterres, ki sèkrétè jénéral a Lénasyonzini, di : « Mond an nou an boulvès. » Ès ou dakò èvè-y ?
Onlo nouvèl nou ka tann ozenfòwmasyon ka istrésé-nou :
Maladi é pandémi
Katastwòf natirèl
Moun ki ka mò-fen é moun ki anmizè
Polisyon é tanpérati a latè ki ka ògmanté
Krim, vyolans é malonnètté
Lagè
Sa klè, nou bizwen on mond méyè. Adan mond-lasa i ké ni :
On santé ki pawfè
Lasékirité pou toutmoun
Manjé agogo
On tè ki pwòp
Lajistis pou toutmoun
Lapé asi tout latè
Men ka nou vlé di ojis lè nou ka palé dè « mond méyè » ?
Ka ki ké rivé mond-la nou ka viv adan-y la jòdijou ?
Ka nou pé fè pou viv adan on mond méyè ?
Jounal-lasa ké édé-nou touvé répons plen rékonfò kè Labib ka bay asi sé kèsyon-lasa é dòt ankò.
Ay gadé sa osi...
TOU DÈ GAD LA
Poukwa nou bizwen wayòm a Bondyé ?
Lè sé nonm enpawfè ka dominé nonm, antoutjan ka ni pwoblèm.
