Meyer prayche een peser welt!
“Meyer leepe in een welt fol propleeme” — hot António Guterres kesaat, haupst atministratoer fon te Fereenichte Natsyoone. Xtimt tas fer tich?
Meyer heere un siin fiile xlechte notisye; notisye iwer…
Krankheete un pantemiie
Natuer unklike
Aarmheet un hungernoot
Poluytsyoon un wërmung fon te eyert
Kriim, wyolënts un uneerlichkheet
Kriiche
Kewis, prayche mer een peser welt; een welt mit…
Perfekt kesuntheet
Sicherheet fer ale kaar
Fiil ese
Een sauwer natuer
Kerechtichkheet fer al
Friit uf te kans welt
Awer, was wole mer saan wën mer iwer een peser welt xpreche?
Was tuut pasiire mit te welt woo mer hayt leepe?
Was mise mer mache fer in een peser welt leepe?
In tiise etitsyoon fon Te Wachthorm, tuust tuu ti ufmuutiche antworte fon te Piipel fer tiise un anere frooche fine.
