Naʼajmank jun li chʼinaʼusil Ruuchichʼochʼ!
Laj António Guterres li nataqlank saʼ li chʼuut re Naciones Unidas kixye: «Wanko saʼ jun li Ruuchichʼochʼ li numtajenaq saʼ maaʼusilal». Ut laaʼat, kʼaru nakaakʼoxla?
Kʼajoʼ xyibʼal ru li esil li naʼabʼimank:
Ebʼ li yajel
Li rahilal li nakʼulmank naq nawank junaq li kaqsut-iqʼ malaj junaq li hiik
Li nebʼaʼil ut li weʼej
Li xtzʼajnil ut xtiqwal ru li chʼochʼ
Li raaxiikʼ, li pleetik ut li elqʼak
Li yalok u
Naʼajmank jun li chʼinaʼusil Ruuchichʼochʼ bʼarwiʼ:
Inkʼaʼ chik tooyajerq
Maaʼani chik twanq saʼ xiwxiwal
Wanq naabʼal li tzakahemq
Maakʼaʼaq chik li tzʼaj
Maakʼaʼaq chik li raaxiikʼ
Wanq chik li tuqtuukilal
Abʼan, kʼaru naraj xyeebʼal wank saʼ jun li chʼinaʼusil Ruuchichʼochʼ?
Kʼaru tkʼulmanq rikʼin li Ruuchichʼochʼ aʼin?
Kʼaru tooruuq xbʼaanunkil re naq toowanq saʼ li chʼinaʼusil Ruuchichʼochʼ?
Naq taayaabʼasi li hu aʼin, taataw li xsumenkil ebʼ li patzʼom aʼin saʼ li Santil Hu ut jalan chik, joʼ ajwiʼ taataw li naxyeechiʼi qe li Yos.
Maare twulaq ajwiʼ chaawu
LAJ KʼAAKʼALEHOM
Kʼaʼut naqaj naq tchalq li Xʼawabʼejilal li Yos?
Naq ebʼ li qas qiitzʼin nekeʼxjolomi ribʼ xjunes, yalaq bʼar wank li chʼaʼajkilal.
