ပလီကီလၢ ဟီၣ်ခိၣ်တၢ်အိၣ်သး ကဂ့ၤထီၣ်
အဲထိနံယိၤ ကုၤထဲရၢးစ် လၢအမ့ၢ်ဝဲ ဘီမုၢ်စၢဖှိၣ်ကရၢ နဲၣ်ရွဲၣ်ခိၣ်ကျၢၢ်တဂၤ တဲဝဲလၢ “ဟီၣ်ခိၣ်လၢ ပအိၣ်လၢအပူၤအံၤ ပှဲၤဒီးတၢ်သဘံၣ်သဘုၣ်လီၤ.” နၤမီၤ, နဆိကမိၣ်ဒ်န့ၣ်လီၤမ့ၢ်ဧါ.
တၢ်ကစီၣ်တဖၣ် ပာ်ဖျါထီၣ်ဝဲထဲ တၢ်ဂ့ၢ်လၢ အလီၤသူၣ်အုးသးအုး ဒ်သိးဒီး
တၢ်ဆူးတၢ်ဆါ ဒီးတၢ်ဆါသံသတြိာ်
န့ဆၢၣ် တၢ်ဘၣ်ဒိဘၣ်ထံး
တၢ်ဖှီၣ်တၢ်ယာ် ဒီးတၢ်သၣ်ဝံၤလီၤဒိ
တၢ်မၤဘၣ်အၢဟီၣ်ခိၣ် ဒီးမၤဟးဂီၤ ခိၣ်ဃၢၤန့ဆၢၣ်
တၢ်မၤကမၣ် ထံကီၢ်တၢ်သိၣ်တၢ်သီ, တၢ်မၤဆူၣ်မၤစိး, တၢ်ဟးဂူာ်ဟးဂီၤ
ဒီးတၢ်ဒုးတၢ်ယၤတဖၣ်
အဃိ ပလီကီလၢ ဟီၣ်ခိၣ်တၢ်အိၣ်သး ကဂ့ၤထီၣ်သပှၢ်တၢၢ်. ပလီကီလၢ ဟီၣ်ခိၣ်ကအိၣ်ဒီး တၢ်အိၣ်သးလၢအဂ့ၤ ဒ်သိးဒီး
တၢ်အိၣ်ဆူၣ်အိၣ်ချ့လၢအဂ့ၤ
ပှၤကိးဂၤဒဲး အိၣ်ဘၣ်ပူၤပူၤဖျဲးဖျဲး ဒီးအိၣ်ဘၣ်ဘံၣ်ဘံၣ်ဘၢဘၢ
တၢ်အီၣ်တၢ်အီ အါအါဂီၢ်ဂီၢ်
ခိၣ်ဃၢၤန့ဆၢၣ်လၢ အကဆှဲကဆှီ
ပှၤခဲလၢာ် ကအိၣ်ဒီး တၢ်ခွဲးတၢ်ယာ် ဒ်သိးသိး
ဒီးတၢ်ဃူတၢ်ဖိးလၢ ဟီၣ်ခိၣ်ဒီဘ့ၣ်
ဖဲပတဲဘၣ်ဃးဒီး ဟီၣ်ခိၣ်တၢ်အိၣ်သး ကဂ့ၤထီၣ်န့ၣ် ပအဲၣ်ဒိးတဲ မနုၤလဲၣ်.
တၢ်ကမၤအသးဒီး ဟီၣ်ခိၣ်လၢ ပအိၣ်လၢအပူၤတဖျၢၣ်အံၤ ဒ်လဲၣ်.
ဒ်သိး ပအိၣ်ဘၣ်လၢ ဟီၣ်ခိၣ်လၢအပှဲၤဒီး တၢ်အိၣ်သး လၢအဂ့ၤ အပူၤကသ့အဂီၢ် ပကဘၣ်မၤ မနုၤလဲၣ်.
တၢးထီခိးတၢ် တဘ့ၣ်အံၤ ကပာ်ဖျါထီၣ်ဝဲ တၢ်သံကွၢ်တဖၣ်အံၤ အတၢ်စံးဆၢလၢ အအိၣ်လၢလံာ်စီဆှံအပူၤ လၢအမၤမုာ်ထီၣ်က့ၤပသး ဒီးကပာ်ဖျါထီၣ်ဝဲ တၢ်သံကွၢ်အဂၤတဖၣ် အတၢ်စံးဆၢ.
တၢ်ဂ့ၤအဂၤလၢ နကဘၣ်သး
တၢးထီခိးတၢ်
ဘၣ်မနုၤအဃိ ပလိၣ်ဘၣ် ယွၤအဘီအမုၢ်လဲၣ်.
ဖဲပှၤဟီၣ်ခိၣ်ဖိတဖၣ် ပၢလီၤအနီၢ်ကစၢ်သးအခါ တၢ်ကီတၢ်ခဲတဖၣ် အိၣ်ထီၣ်ဝဲထီဘိလီၤ.
