Tukulondiwa Ikisu Ikinunu
António Guterres undembi unkulumba uwa United Nations atile, “Tukwikala nkisu iki kiswile ni ndamyo.” Ngimba mukukolelana nawe?
Inkhani nyingi sikuyoba amalipoti agha findu ifibibi bo:
Imbungo
Ingozi sya kipeliwa
Ubulondo ni njala
Ukonangika kwa kipeliwa nu kuchenja kwa mapepo
Ubuhiyi, ifyankhaza nubusyobi
Ubwite
Ukuyoba ubwanaloli, tukulondiwa ikisu ikinunu. Ikisu iki kisakuya:
Nubumi ubununu
Kya kufighililiwa kwa aliwesa
Nifyakulya fingi
Na malo amanunu
Kya bugholofu ku bosa
Kya lutengano
Loli ngimba tukusanusya isyafiki linga tukuyoba isya kisu ikinunu?
Ngimba findu fiki fikuya pakubombiwa nkisu iki tukwikala lino?
Ngimba tukulondiwa ukubomba isyafiki ukuti tusikale nkisu ikinunu?
Inkhani ya mu Ingasya ya Ndindilili iyi yikuya pakwamula kanunu amalalusyo agha.
