¡Alli kawakuytam munantsik!
Naciönes Unïdaschö secretariu Antoniu Guterresmi kënö nirqan: “Entëru Patsachömi nunakunaqa mana allilla kawakuyan”. ¿Tsënöku kawakuykantsik?
Kanan witsan noticiakunachöqa rikantsik:
Muyakoq qeshyakunata
Desgraciakunata
Waktsa këta y mallaqëta
Patsa alläpa achachanqampaq parlayaqta
Suwakoqkunata, wanutsikoqkunata
Guërrakunata
Kënö alli kawakuytam munantsik:
Manana qeshyar kawakuyta
Tiempu imëpis alli kananta
Llapantsikpaq atska mikuy kananta
Entëru Patsa limpiu kananta
Wanutsinakuy ni chikinakuy mana kananta
Entëru Patsachö yamë kawakuy kananta
¿Imatan alli kawakuyqa?
¿Imaraq pasanqa mana allikunawanqa?
¿Imatatan rurashwan mas alli kawakunapaq?
Kë Täpakoqta leyirmi tsëpaq o maskunapaq Bibliachö ima ninqanta yachakunki.
Capaz këkunapis gustashunki
TÄPAKOQ
¿Imanirtaq Diosnintsik Gobernamunanta munantsik?
Nunakuna gobernayaptinqa më tsëchöpis imëka problëmakunallam kan.
