Wan njunjun goonliba dë fanöudu!
António Guterres, di ta luku unfa soni ta waka a di ölganisaasi de kai Verenigde Naties, bi taki taa: „U ta libi a wan goonliba di dë fanjanfanjan.” Wë kandë joo piki ku di soni di di womi aki taki.
Sömëni taku njunsu di ta dë u jei a ladio, söseei di ta dë u si a teefei:
Siki di ta paaja
Gaan wata nasö gaan ventu ta booko kamian
Hangi pena
Sëmbë ta sundju di goonliba
Hogidu, fufuu, ku bödjëë libi
Gaan feti
Wë a dë gbelingbelin u si taa u abi wan njunjun goonliba fanöudu. U abi wan goonliba fanöudu ka dee soni aki o dë:
Bunu gösöntu
Na wan sëmbë ta dë pantapanta taa hogi o miti de
Soni u njan dë te a hia
Di goonliba dë limbolimbo
Soni ta kuutu a wan leti fasi
Sëmbë u hii së u di goonliba ta libi fiifii ku deseei
Andi a kë taki u libi a wan njunjun goonliba?
Andi o pasa ku di goonliba di u a libi nëën aki?
Andi u sa du fuu libi a wan njunjun goonliba?
Di Hei Wakitimawosu aki o konda unfa di Bëibel ta piki dee hakisi aki ku woto fanöudu hakisi jeti.