Tekɔ l’ohomba w’andja woleki dimɛna!
António Guterres, lele sekeletɛlɛ ka Nations unies akate ɔnɛ: “Tekɔ lo nsɛna l’andja wambolola tɔɔ l’ekakatanu.” Onde wɛ hakoke mbetawɔ dui sɔ?
Nsango yambolola tɔɔ l’alapɔlɔ wa kɔlɔ ɛnɛ:
Hemɔ yadiaka anto
Mpokoso y’oma lo diangɔ diakatongama
Wola ndo ndjala
Olanelo wa hiɛlɛlɛ ndo wodelo wa djungudungu
Awui wa diakatanelo, awui wa ngala ndo kɔtamishiko
Ata
Mɛnamaka hwe dia tekɔ l’ohomba w’andja woleki tshɛ dimɛna. Andja wele
Onto tshɛ ayonga la yoonge ya kokele
Onto tshɛ ayonga l’ekokelo ndo onto tshɛ ayonga lo lotui tshitshi
Mbo ya ndɛ yayonga tshavutshavu
Ahole w’amɛna ndo wa pudipudi wa mbidjasɛ
Anto tshɛ wayowasalɛka akambo la losembwe
Wɔladi wayonga l’andja w’otondo
Ko etena katɛkɛtaso di’andja woleki dimɛna, kakɔna kalembetshiya dui sɔ?
Kakɔna kayokomɛ andja wasɛnaso ɛlɔ kɛnɛ?
Kakɔna kakokaso nsala dia ndjɔsɛna l’andja woleki dimɛna?
Numɛlɔ ka Tshoto y’Etangelo nyɛ yayolembetshiya ekadimwelo wakeketsha washa Bible lo ambola asɔ ndo ambola akina wɔtɔnɛ lawɔ.