Re Tlhoka Lefatshe le le Botoka!
Motsamaisimogolo wa lekgotla la Ditshaba Tse di Kopaneng e bong António Guterres, a re: “Re tshela mo lefatsheng le le nang le mathata.” A o dumalana le ene?
Go tletse dikgang fela tse di utlwisang botlhoko, tse di jaaka:
Malwetse
Masetlapelo a tlholego
Khumanego le tlala
Go kgotlelwa le go gotela ga loapi
Borukhutlhi le bokebekwa
Dintwa
Tota re tlhoka lefatshe le le se nang dilo tseno. Re tlhoka lefatshe le batho ba lone ba tla bong:
Ba na le botsogo jo bo siameng
Ba sireletsegile
Ba na le dijo tse di ntsi
Ba nna mo lefelong le le sa kgotlelwang
Ba utlwana
Ba tshela ka kagiso
Fa re bua ka lefatshe le le botoka, re a bo re bua ka lefatshe le le ntseng jang?
Go tlile go direga eng ka lefatshe le re tshelang mo go lone gone jaanong?
Re tlhoka go dira eng gore re kgone go tshela kwa lefatsheng le le botoka?
Makasine ono wa Tora ya Tebelo o tla go naya dikarabo tse di tse kgotsofatsang tse di tswang mo Baebeleng.
Tse Dingwe Tse O ka Di Kgatlhegelang
TORA YA TEBELO
Goreng re Tlhoka Bogosi Jwa Modimo?
Fa batho ba ba sa itekanelang ba busa, go nna le mathata.
