MEEOIBA JATI

Biblena hairi: Ishworna ‘Malembu… arembada sembide, masibu khundanaba sakwong lakpi.’—JISHAIYA 45:18

MALEM PRITHIBI

Biblena hairi: “Meeron ama chatkhi, aduga atoppa meeron ama lak-ee; adubu malemdi matam pumnamakta lengdana lei.”—PAO SANDOKPA 1:4

MASINA HAININGLIBADI: Bibleda hairamba matunginna, prithibisi keidounungdasu mang-takloi amasung masida meeoibasingna matamchuppada khunda-leitaduna leigani. Adu oiba taragadi, taibangpansi loiragani hairibasigi wahanthokti karino?

KHALLAGA YENGSI: Biblena tungda oigadouriba taibangpan loibagi thoudok asiga mamangeida Nohagi matamda thokkhiba thoudok aduga changdamnei. Matamduda taibangpansi ‘hingsana thanba’ haibadu oirammi. (Meihouron 6:13) Adubu Nohadi dharmachenba meesak oirammi. Maram aduna, Ishworna achouba ising ichao ama thokhanduna matamdugi phattaba meesingdu manghanba matamda Noha amasung mahakki imung manungbudi kanbikhi. Matamduda thokkhiba thoudok adugi matangda Biblena asumna hai: “Ising asina matam aduda leiramba taibangpanbu thumhattuna manghankhi.” (2 Peter 3:6) Asumna matamdugi taibangpan adu loikhi. Matamduda Ishworna manghankhribasi karino? Prithibi asi manghankhiba natte, matamduda leiramba phattaba meesingdubu manghankhibani. Maram aduna Bibleda taibangpangi aroiba hairibasi prithibi kaiduna mang-takkhibagi wapham natte adubu phattaba meesing amasung nungaitaba thoudok wathoksing manghankhibagi waphamni.

PHATTABA AMASUNG NUNGAITABA THOUDOK WATHOKSING

Biblena hairi: “Matam khara leiraga Ishwor ningdaba mee adu leiraroi; hoi, nahakna mahakki leipham munna yenggani, aduga mahak leiraroi. Adubu nollukpasingna makhoigi saruk oina malembu phangjagani, aduga yamna ingthabada makhoi masamak nungaijagani.”—THAGAT ISHEI 37:9-11

MASINA HAININGLIBADI: Nohagi matamda thokkhiba ising ichaoduna phattabasing manghanbagi aroiba oikhide. Ichaodugi matungdasu meesingna amuk hanna phattaba oiraktuna atoppasingbu awaba piba thabak kaya tourakkhi. Thagat Isheigi lairikta, “phattaba toubasing manghallagani” hairambagumna yamna thunamak Ishworna phattabasing asi loisillagani. Ishwor masamakki leingakna phattabasing asigi aroibadu purakkani. Hairiba leingak asina sargadagi prithibi pumbada sashan tougani. Matam aduda dharmachenba meesing khaktana prithibida leigani.

KHALLAGA YENGSI: Prithibida palliba leingakpasing asina Ishworgi leingak adubu sougatkadra? Makhoina leingak adubu sougatloi, madugi maiyokta leigani haina Biblena hairi. (Thagat Ishei 2:2) Madugi maheidi kari oigani? Ishworgi leingakna houjik palliba meeoibagi leingaksing asibu tumna manghankhragani aduga maduna “matam pumnamakta leigani.” (Daniyel 2:44) Adubu Ishworna meeoibagi leingaksing asibu loisingadouribasi karigino?

Biblena Hairi: “Taibang meena chatna chatna masagi khongthang leppa ngamde.”—JIREMIYA 10:23.

MASINA HAININGLIBADI: Meeoibasing sembikhibasi makhoi masana masagi mathakta sashan tounaba sembikhiba natte. Maram asina meeoibagi leingaksing asina ngasi thokliba nungaitaba thoudok wathoksingsi mapungphana kokhanba ngamde.

KHALLAGA YENGSI: Britannica Academic haina khangnaba website amada asumna hai, houjik phaobada pallakliba leingak amattana “taibangpansida thokliba leita-laira, chaktangba, laina-laichat, mahousagi oina thokpa amang atagi thoudoksing, laan amasung atoppa hingsagi oiba thoudoksing amatta kokhanba ngamde.” Masida makhatana asumnasu hai: “Meeoi kharanadi taibangpansida leiriba leingaksingsina amatta oina punsillaga hotnarabadi asigumba nungaitaba thoudoksing asi kokhanba ngamgani haina thajei.” Adum oinamak, leingaksing asina amatta oina punsillabasu mathakta pankhriba awaba thoudoksing asidi kokhanba ngamloi. Maramdi leingakpasing asi mapung phadaba meeoiba ngaktani. Maram asina, taibangpansida thokliba awaba thoudoksingsibu matamchuppagi oina kokhanba ngamgadaba amatta ngairaba leingakti Ishworgi Leingakni.

Aduna Bibleda taibangpan loigani hairibasi phattaba meesing amasung phattaba thoudok wathoksing loisinkhibagi waphamni. Maram asina masigi matangda eikhoina karisu kiningai oide. Adugi mahutta, masidi eikhoina khourangna ngaijagadaba thoudok amani. Maramdi ngasigi mang-taklaba taibangpan asi Ishworna pubirakkadouriba phajaraba, nungaibana thallaba taibangpan aduna mahut sillagadabani!

Hairiba thoudoksi karamba matamda thokkadouribano? Wahangsigi Biblegi oiba paokhumdi mathanggi pandupta kupna neinagani.